| Tilkynnt hefur verið um áður óþekkt
tungl hjá reikistjörnunni Júpíter, hið 17
sem vitað er að gangi um þessa stærstu reikistjörnu
sólkerfisins. Tunglið fannst í júlí á
þessu ári við rannsókn á myndum sem teknar
voru í október s.l. með sjónauka í Kitt
Peak stjörnustöðinni í Arizona í Bandaríkjunum.
Myndirnar voru teknar gagngert til að leita að nýjum tunglum,
og voru það stjörnufræðingar við háskólann
í Arizona og Harvard-Smithson rannsóknastöðina í
Cambridge í Massachusetts sem unnu saman að þessu verkefni.
Tunglið hefur hlotið bráðabirgðaheitið S/1999
J1. Það er afar dauft (nálægt 20. birtustigi) og
er giskað á að það sé varla meira en 5
km í þvermál. Það er lengra frá Júpíter
en nokkurt hinna tunglanna. Reiknast mönnum svo til að meðalfjarlægð
þess frá Júpíter samsvari um 170 þvermálum
reikistjörnunnar og að umferðartíminn sé rúm
tvö ár. Er nú beðið eftir frekari myndum og
mælingum til staðfestingar á þessu. Sjá enn
fremur yfirlitið
Tungl reikistjarnanna.
Ţ.S. sept. 2000
|