Nýjustu tölur um reikistirnið Eris og tungl þess

Stjörnufræðingar við Tækniháskóla Kaliforníu (Caltech) hafa nú kynnt niðurstöður nýjustu athugana á reikistirninu Eris sem fannst fyrir tveimur árum (sjá eldri frétt). Mælingar voru gerðar með Hubble geimsjónaukanum og Keck sjónaukanum á Hawaii. Samkvæmt þeim er þvermál Erisar 2400 km, um 8% meira en þvermál Plútós og massinn  (þyngdin) 27% meiri. Massinn  reiknast út frá athugunum á brautargöngu tunglsins Dysnómíu sem gengur um Eris á 16 dögum. Enn ríkir óvissa um stærð Dysnómíu, en  talið er að þvermálið sé á bilinu 100 til 250 km.

Þ.S. 8.8. 2007.