Serbía og Svartfjallaland aðskilin ríki

Í júní 2006 gerðist það að Serbía og Svartfjallaland urðu hvort um sig sjálfstætt ríki. Almanak fyrir 2007 hafði þá verið prentað og var því ekki unnt að breyta skránni yfir ríki heimsins. Þar er stærð ríkjanna í sameiningu sýnd sem 1,0 (þ.e. ámóta og Ísland) og fólksfjöldinn 36,6 þar sem íbúafjöldi Íslands er einingin. Serbía er bæði stærri og fjölmennari en Svartfjallaland; stærðin er 0,9 og mannfjöldi 34,3 miðað við stærð Íslands og íbúafjölda. Stærð Svartfjallalands er aðeins 0,1 og mannfjöldinn 2,3 í sömu einingum. Höfuðborg Serbíu er Belgrad en höfuðborg Svartfjallalands heitir Podgorica. Einkennisstafir Serbíu verða RS en Svartfjallalands ME.Tölvupóstseinkennið .yu fellur niður.

Þ.S. 13. 9. 2006. Breytt 22.2. 2007

Almanak Háskólans