Forsíða
 

Áhugaverðar myndir af stjörnunni 61 Cygni

Árið 2003 birtist frétt um það á þessu vefsetri að Snævarr Guðmundsson, þáverandi formaður Stjörnuskoðunarfélags Seltjarnarness, hefði tekið myndir af  tvístirninu 61 Cygni (stjörnu 61 í stjörnumerkinu Svaninum) og fylgst með hreyfingu þessa tvístirnis miðað við fjarlægari stjörnur um árabil.

Sjá hér: http://www.almanak.hi.is/61cygni.html.

Árið 2012 sendi Snævarr frá sér viðbótarmyndir af þessu tvístirni, sem birtust á þessari vefsíðu:

http://www.almanak.hi.is/61cygni2.html

Nú, níu árum síðar, hefur Snævarr birt viðbótarniðurstöður, sem sjá á á myndinni hér fyrir neðan. Á myndinni sést hvernig tvístirnið hefur færst miðað við fjarlægari stjörnur. Einnig má einnig greina hreyfingu stjarnanna hvorrar um aðra, en umferðartími þeirra er tæp 700 ár. Afstaðan 1916 og 1957 er fengin úr myndum frá Lowell stjörnustöðinni í Bandaríkjunum. 

 

Aðalmyndin sýnir hvernig 61 Cygni hefur færst á himni miðað við stjörnur í bakgrunni. Til hægri eru sýndar myndirnar sem skeyttar voru saman. Myndirnar frá Lowell stjörnustöðinni náðu ekki yfir eins mikið sjónsvið og myndir Snævars, og koma þær fram sem gráleitir ferningar. Á dekkri grunni eru svo myndirnar eftir að þeim hafði verið snúið og stærðinni breytt þannig að stjörnur í bakgrunni féllu saman við stjörnurnar í myndum Snævars.

 
Þ.S. 20. 9. 2021

Almanak Háskólans